బావిలో ప‌డిన పామును ఎంత ధైర్యంగా తీసిందో చూడండి!
స‌హాయం చేస్తున్నట్లు గ‌మ‌నించిన పాము కూడా కర్రను విడ‌వ‌కుండా పట్టుకోగా.. A woman skillfully rescued a snake.
దిశ, వెబ్‌డెస్క్ః విష స‌ర్పాలంటే సాధార‌ణంగా అందరికీ భ‌య‌మే. స్నేక్ క్యాచ‌ర్లు త‌ప్ప వాటిని ధైర్యంగా ప‌ట్టుకునేవారు చాలా అరుదుగా క‌నిపిస్తుంటారు. అందులోనూ, భ‌యాన్ని త్వ‌ర‌గా వ్య‌క్తం చేసే మ‌హిళ‌లు పాము ప‌దం విన‌గానే ఆమ‌డ‌దూరం ప‌రిగెత్తుతారు. కానీ, ఈ మ‌హిళ అలాంటిది కాదు. బావిలో చిక్కుకొని, తప్పించుకోలేని ప‌రిస్థితులో ఉన్న పామును రక్షించడానికి ఆమె ధైర్యంగా ముందుకొచ్చింది. ఆమె మొదట ఒక చెక్క కర్రకు తీగను చుట్టి బావిలోపలికి దింపుతుంది. పాము, స‌హాయం చేస్తున్నట్లు గ‌మ‌నించిన పాము కూడా కర్రను విడ‌వ‌కుండా పట్టుకోగా, ఆ మ‌హిళ పామును బావి నుండి పైకి లాగి దాని ప్రాణాలను కాపాడుతుంది. ఆమె పామును ఒక డ‌బ్బాలో వేసి, జ‌నావాసాల‌కు దూరంగా అడవిలో విడిపించిపెడుతుంది. ఈ వీడియో వైరల్‌గా మారగా, నెటిజ‌నులు ఆమె ధైర్యం, జాలిగ‌ల హృద‌యాన్ని ప్రశంసించారు.