ఫ్లైట్‌లో సిగ‌రేట్ తాగిన సెల‌బ్రిటీ.. ఆ త‌ర్వాత‌..?! (వీడియో)

దిశ‌, వెబ్‌డెస్క్ః విమానంలో ధూమపానం అత్యంత ప్రమాదకర పరిణామాలకు దారితీస్తుంది. పొర‌పాటున ఊహించ‌న‌ది జ‌రిగితే అంద‌రి ప్రాణాలు గాల్లో క‌లిసిపోతాయంతే! అలాంటి చోట నియమాలు. భద్రతా నిబంధనలను పూర్తిగా విస్మరిస్తూ, స్పైస్‌జెట్ విమానంలో ఓ ఇన్‌స్టా సెల‌బ్రిటీ సిగరెట్ వెలిగించి కెమెరాలో చిక్కుకున్నాడు. గురుగ్రామ్ నివాసి, సోషల్ మీడియా ఫిట్‌నెస్ ఇన్‌ఫ్లుయెన్సర్‌గా ఉన్న‌ బాబీ కటారియా అనే వ్యక్తి విమానం సీటుపై పడుకుని సిగరెట్ కాల్చినట్లు వీడియో చూపించింది. అయితే, ఈ సంఘటన కొన్ని నెల‌ల‌ క్రితం జ‌ర‌గ్గా, వీడియో తాజాగా బయటపడింది. ఈ ఇన్‌ఫ్లుయెన్సర్ స్పైస్‌జెట్ విమానంలో దుబాయ్ నుండి న్యూఢిల్లీకి ప్రయాణించినప్పుడు వీడియో చిత్రీకరించబడింది. ఇప్పుడు వైరల్ అవుతున్న వీడియో పాతదని బ్యూరో ఆఫ్ సివిల్ ఏవియేషన్ సెక్యూరిటీ ధృవీకరించింది. అయితే, ఆ సమయంలో బాబీపై తగిన చర్య తీసుకున్నారంటూ ANI నివేదించింది.

New rule for Bobby kataria ? @JM_Scindia @DGCAIndia @CISFHQrs pic.twitter.com/OQn5WturKb

అయితే, ఈ వీడియో సోషల్ మీడియా వినియోగదారులకు కోపం తెప్పించింది. చాలా మంది భద్రతా ప‌రిస్థితిని ప్రశ్నించారు. "ఇది ప్రమాదకరమైనది. అతను విమానాన్ని నిప్పుతో వెలిగిస్తాడు. అతన్ని వెంటనే అరెస్టు చేయాలి" అని కొంద‌రు కోరారు. "కఠినమైన నాన్ బెయిలబుల్ సెక్షన్ల కింద ఈ నేరస్థుడిని వెంటనే అరెస్టు చేయండి. అతను చాలా మంది ప్రయాణీకులను చంపడానికి ప్రయత్నించాడు. @flyspicejet మీ పనికిరాని డ్యూటీ సిబ్బంది ఏమి చేస్తున్నారు?"అంటూ కొంద‌రు విమాన సంస్థ‌ను ప్ర‌శ్నించారు.

క‌రాటే ట్రైన‌ర్‌నే ప‌డ‌గొట్టిన చిన్నారి.. నెట్టింట అంతా షాక్‌! (వీడియో)