జస్టిన్ బీబర్‌కే చెమ‌ట‌లు పుట్టించిన ఇండియ‌న్ ఢోల్ వాలా! (వీడియో)

దిశ‌, వెబ్‌డెస్క్ః ప్ర‌పంచ స్టార్లు కూడా దేశీ టాలెంట్ చూసి నివ్వెర‌పోతార‌న‌డానికి మ‌రో ఉదాహ‌ర‌ణే ఇది. పాపులారిటీ కంటే ప్యాష‌న్‌ను న‌మ్ముకొని క‌ళారూపాల్ని కంప్ర‌మైజ్ కాకుండా ప్ర‌ద‌ర్శించే దేశీ ప్ర‌తిభ‌కు కెనడియన్ గాయకుడు జస్టిన్ బీబర్ షాక‌య్యాడు. వివ‌రాల్లోకి వెళితే, మాతా కా జాగ్రతాలో ఒక భారతీయ డ్ర‌మ్మ‌ర్ గెంతుతూ డ్రమ్స్ వాయించడం వైరల్ వీడియో నెట్టింట్లో వైర‌ల్ అయ్యింది. స‌ద‌రు ఇన్‌స్టాగ్రామ్ వీడియోలో డ్రమ్స్ వాయించే అతని ఉత్సాహభరితమైన విధానం అంత‌ర్జాతీయంగా ప్ర‌సిద్ధి చెందిన గాయకుడు జ‌స్టిన్ బీబ‌ర్ దృష్టిని ఆకర్షించింది. అంతే, ఈసారి నువ్వు కూడా ఇలాగే చేయ‌మంటూ తన స్నేహితుడు డ్రమ్మర్ డెవాన్ టేలర్‌ను ట్యాగ్ చేసాడు. ఈ భార‌తీయ డ్ర‌మ్మ‌ర్‌ ప్రత్యేకమైన డ్యాన్స్ శైలిని ఇంటర్నెట్ మెచ్చుకోవడం ఒక వంతైతే, ఏకంగా అత‌డు బీబ‌ర్ కంట్లో ప‌డ‌టంతో నెటిజ‌నులు కామెంట్ల‌తో ముంచెత్తుతున్నారు. నువ్వు సూప‌ర్ అంటూ ప్ర‌శంసిస్తున్నారు. జస్టిన్ బీబర్ తన ఇన్‌స్టాగ్రామ్ హ్యాండిల్‌లో ఈ స్టోరీని రీపోస్ట్ చేశాడు.