వేధిస్తే ఉరికిస్తాం కేసీఆర్: కోమటిరెడ్డి

దిశ, న‌ల్గొండ‌: అధికారం ఉందని సీఎం కేసీఆర్ ఆయ‌న‌ మంత్రులు.. కాంగ్రెస్ కార్య‌క‌ర్త‌ల‌ను వేధిస్తే కేతేపల్లి బ్రిడ్జిపైనా ఉరికించి కొడుతామ‌ని ఎంపీ కోమ‌టిరెడ్డి వెంక‌ట్‌రెడ్డి తీవ్రస్థాయిలో హెచ్చ‌రించారు. ఆదివారం న‌కిరేక‌ల్ మండ‌లం కేతేప‌ల్లి పీఏసీఎస్ ఛైర్మన్ ప్ర‌మాణాస్వీకారం కార్యక్ర‌మంలో ఆయ‌న పాల్గొన్నారు. ఈ సందర్భంగా కోమటిరెడ్డి మాట్లాడుతూ.. కాంగ్రెస్ అధికారంలో ఉన్నప్పుడు వేరే పార్టీ వాళ్ళు వచ్చి అడిగితే సహాయం కూడా చేశామ‌ని గుర్తుచేశారు. ఇప్ప‌డు టీఆర్ఎస్ పాల‌కులు భిన్నంగా వ్య‌వ‌హ‌రించ‌డం సరికాదన్నారు. అధికారం ఉంద‌న్న అహంకారంతో కార్య‌క‌ర్త‌ల‌ను, ప్ర‌జ‌ల‌ను రాజ‌కీయంగా వేధిస్తే ఊరుకునే ప్ర‌సక్తే లేద‌ని కోమటిరెడ్డి వెంకట్‌రెడ్డి తీవ్ర ఆగ్రహం వ్యక్తం చేశారు. పార్టీ కార్యకర్తలకు ఎల్లప్పుడూ అండగా ఉంటానని ఈ సందర్భంగా ఆయన భరోసా ఇచ్చారు.