కూలీలతో కలిసి నాటు వేసిన కోదాడ ఎంపీపీ

దిశ, కోదాడ: సమాజంలో రైతు ఉన్నత స్థానంలో ఉండాలని ఎంపీపీ కవితా రాధరెడ్డి అన్నారు. గురువారం మండలంలోని కూచిపూడి గ్రామంలో వ్యవసాయ మహిళా కూలీలతో కలిసి నాటు వేసి కూలీలను ఉత్సాహ పరిచారు. ఈ సందర్భంగా ఆమె మాట్లాడుతూ.. సీఎం కేసీఆర్ వ్యవసాయం దండగ కాదు పండుగ లా చేయాలని అనుకున్న లక్ష్యాన్ని సాధించారన్నారు. రైతులు వ్యవసాయం చేయడానికి గర్వపడాలని దేశానికే అన్నం పెట్టే రైతు గౌరవించబడాలని, అందుకే వ్యవసాయాన్ని ప్రోత్సహించాలని టీఆర్‌ఎస్ ప్రభుత్వం రైతు బంధు, రైతు భీమాలతో రైతుకు భరోసా కల్పిస్తూ రైతు పక్షపాతిగా ఉంటుందన్నారు.

నియోజకవర్గ ఎమ్మెల్యే బొల్లం మల్లయ్య యాదవ్ నియోజకవర్గ రైతులకు ఎలాంటి ఇబ్బందులు రాకుండా ఎన్ఎస్పీ అధికారులు, వ్యవసాయ శాఖ అధికారులతో ఎప్పటికప్పుడు మాట్లాడుతూ రైతు సంక్షేమం కోసం అన్ని చర్యలు తీసుకుంటున్నారన్నారు. ఈ కార్యక్రమంలో సర్పంచ్ శెట్టి సురేష్ నాయుడు, లింగారావు, సతీష్, మస్తాన్, శ్రీను, రామానాయుడు, సత్యనారాయణ చారి, శ్రీకాంత్, గోపి, రామాంజి, రైతులు, రైతు కూలీలు తదితరులు పాల్గొన్నారు.