'RRR' వాయిదా.. 'KGF 2'కు పాయిదా

కేజీఎఫ్… కన్నడ సినిమానే అయినా విడుదలైన అన్ని భాషల్లోనూ సెన్సేషన్ క్రియేట్ చేసింది. ప్రశాంత్ నీల్ దర్శకత్వంలో వచ్చిన ఈ సినిమా కన్నడ స్టార్ హీరో యశ్‌ను నేషనల్ స్టార్‌గా మార్చేసింది. కేజీఎఫ్ మూవీకి ఫిదా అయిన ఫ్యాన్స్ కేజీఎఫ్ 2 ఎప్పుడెప్పుడు వస్తుందా అని వెయిట్ చేస్తున్నారు. పాన్ ఇండియా మూవీగా తెరకెక్కుతున్న ఈ సినిమాకు పర్‌ఫెక్ట్ రిలీజ్ డేట్ సెట్ అయితే బాక్సాఫీసు దగ్గర కాసుల వర్షం కురవడం ఖాయం. కోట్లలో లాభాలు తెచ్చిపెట్టడంలో ఎలాంటి సందేహం లేదు. అందుకే చిత్ర యూనిట్ జూలై 30న సినిమాను విడుదల చేసేందుకు ప్లాన్ చేస్తోందట.

కానీ, ఆర్ఆర్ఆర్ టీం కూడా మూవీ విడుదలకు ఇదే తేదీని ఫిక్స్ చేసింది. కానీ.. అనివార్య కారణాల వల్ల వాయిదా పడింది. దీంతో సినిమా 2021 సంక్రాంతి బరిలో నిలుస్తుందనేది టాక్. జూలై 30వ తేదీనే రాజమౌళి డైరెక్షన్ లో వచ్చిన మగధీర సినిమా రిలీజై బ్లాక్ బస్టర్ హట్ సాధించింది. అందుకే ఆర్ఆర్ఆర్ విషయంలోనూ అదే సెంటిమెంట్ ఫాలో అవుదామనుకున్నాడు జక్కన్న. కానీ అది పాజిబుల్ కాలేదు.

దీన్నే క్యాష్ చేయాలనుకుంటుంది కేజీఎఫ్ 2 చిత్రయూనిట్. జూలై 30న రిలీజ్ డేట్ ఫిక్స్ చేయనుందని టాక్. తెలుగు, తమిళ్, కన్నడ, మలయాళి, హిందీ భాషల్లో మల్టీలింగువల్ గా వస్తున్న ఈ మూవీలో సంజయ్ దత్ విలన్ గా నటిస్తున్నారు. కాగా.. మొత్తానికి కేజీఎఫ్ 2 టీం మంచి ప్లానే చేసిందంటున్నారు సినీ విశ్లేషకులు.