రాష్ట్రాన్ని జగన్ సర్వ నాశనం చేశాడు: చంద్రబాబు

దిశ,వెబ్ డెస్క్: జగన్ ఉన్మాదిలా మారి రాష్ట్రాన్ని సర్వ నాశనం చేసి.. మళ్లీ కోలుకోలేని విధంగా చేశారని టీడీపీ అధినేత చంద్రబాబు ధ్వజమెత్తారు. అరకు పార్లమెంట్ నియోజక వర్గ టీడీపీ నేతలతో చంద్రబాబు వీడియో కాన్ఫ రెన్స్‌ను శనివారం నిర్వహించారు. వైఎస్ హయాంలో ఏజెన్సీ బాక్సైట్ గనులను ఆయన బినామీలకు దోచి పెట్టారని విమర్శించారు.

టీడీపీ అధికారంలో ఉన్నప్పుడు ఆ లైసెన్సులను రద్దు చేశామని చెప్పారు. జగన్ పాలనలో ఇప్పుడు అధికారులతో మరో కమిటీ వేసి బాక్సైట్ నిక్షేపాలను మళ్లీ దోచి పెట్టేందుకు పన్నాగం పన్నుతున్నారని ఆరోపించారు. . మంత్రులు, ఎమ్మెల్యేలు యథేచ్చగా దోపిడీ చేస్తున్నారని పేర్కొన్నారు. అరాచక పాలన గురించి గతంలో చరిత్రలో చదివామని..ఇప్పుడు ఏపీలో ప్రత్యక్షంగా చూస్తున్నామని వెల్లడించారు.