విజయవాడలో మాజీ రాష్ట్రపతి రామ్‌నాథ్ కోవింద్.. రెండు రోజుల పాటు పర్యటన

దిశ, వెబ్ డెస్క్: మాజీ రాష్ట్రపతి రామ్‌నాథ్ కోవింద్(Former President Ram Nath Kovind)రాష్ట్రంలో రెండు రోజులు పాటు పర్యటించనున్నారు. ఈ మేరకు ఆయన విజయవాడ(Vijayawada)లో ఉన్నారు.. ఏపీ గవర్నర్ అబ్దుల్ నజీర్(Governor Abdul Nazir)బంగ్లాలో ఈ రాత్రికి కోవింద్ బస చేయనున్నారు. శుక్ర, శనివారం జరిగే కార్యక్రమాల్లో ఆయన పాల్గొంటారు. కేఎల్‌యూలో జరిగే స్నాతకోత్సవంలో శనివారం పాల్గొననున్నారు. విద్యార్థులనుద్దేశించి రామ్‌నాథ్ కోవింద్ ప్రసంగించనున్నారు. ఈ మేరకు మాజీ రాష్ట్రపతి పర్యటనకు ప్రభుత్వం తరపున అన్ని ఏర్పాట్లు చేశారు. రెండు రోజుల పర్యటన అనంతరం ఆయన ఢిల్లీకి వెళ్లనున్నారు. ఇక రాష్ట్ర పర్యటనకు వచ్చిన మాజీ రాష్ట్రపతి రామ్‌నాథ్ కోవింద్‌ను విజయవాడ గన్నవరం ఎయిర్‌పోర్టులో గవర్నర్ అబ్దుల్ నజీర్ సాదరంగా ఆహ్వానించారు.