ఐసీసీ వరల్డ్ టెస్టు చాంపియన్‌షిప్‌‌లో భారత్‌కు నాలుగో స్థానం

దిశ, వెబ్‌డెస్క్: వరల్డ్ టెస్టు చాంపియన్‌షిప్ 2021-2023 పాయింట్స్ టేబుల్లో రెండో స్థానానికి ఆస్ట్రేలియా ఎగబాకింది. ఇంగ్లాండ్‌తో జరిగిన యాషెస్ టెస్టు సిరీస్‌లో ఆస్ట్రేలియా వరుసగా రెండో విజయాన్ని నమోదు చేయడంతో ఈ ఘనత సాధించింది. అగ్రస్థానంలో శ్రీలంక(24 పాయింట్లు) కొనసాగుతుంది. మూడో స్థానంలో పాకిస్థాన్(36 పాయింట్లు), నాలుగో స్థానంలో భారత్(42 పాయింట్లు) నిలిచింది. శ్రీలంక, ఆస్ట్రేలియా రెండు జట్లు ఇప్పటి వరకు డబ్ల్యూటీసీ 2021-23లో రెండేసి మ్యాచ్‌లు ఆడగా.. రెండూ గెలిచాయి. ఇక భారత్ విషయానికి వస్తే.. భారత్ ఆరు మ్యాచ్‌‌లు ఆడింది. అందులో మూడింట్లో గెలిచి, ఒకదాంట్లో ఓడింది. రెండింటిని డ్రా చేసుకుంది.