హీరో సుశాంత్ సింగ్‌కు డూప్ వచ్చేశాడు!

దిశ, వెబ్ డెస్క్: బాలీవుడ్ హీరో సుశాంత్ సింగ్ రాజ్ పుత్ ఆత్మహత్య చేసుకుని రోజులు గడుస్తున్నా దేశంలో ఎవరూ ఆయన మరణాన్ని జీర్ణించుకోలేక పోతున్నారు.దీనిపై కొందరు సినీ ప్రముఖులు సైతం ద్రిగ్బాంతికి గురై డిఫ్రెషన్‌లోకి వెళ్లారు. రోజులో ఏ ఒక్కరైనా సుశాంత్ మరణంపై మాట్లాడుతున్నారు.ఈ క్రమంలోనే అచ్చం సుశాంత్‌ను పోలిన యువకుడి ఫొటోలు, వీడియోలు సోషల్ మీడియాలో వైరల్ అవుతున్నాయి.

అయితే, సోషల్ మీడియాలో ట్రెండింగ్ అవుతూ.. సెన్సేషనల్ అవుతున్న యువకుడి పేరు సచిన్ తివారీ. ఇతను సుశాంత్‌కు డూప్‌గా చెలామణి అవుతున్నాడు. సుశాంత్ పాటలకు డ్యాన్స్ లు చేస్తూ అచ్చం అతని లాగే డైలాగులు చెబుతూ, వర్కవుట్లు చేస్తూ పలువురిని ఆకట్టుకుంటున్నాడు. ఆ వీడియోలు, ఫొటోలను తన ఫేస్ బుక్, ఇన్ స్టాలో పోస్ట్ చేస్తున్నాడు. నెటిజన్ల నుంచి తనకు వస్తున్న రెస్పాన్స్‌కు చూసి సచిన్ కూడా సంభ్రమశ్చర్యంలో మునిగి తేలుతున్నాడు. మీరు అందిస్తున్న ప్రేమను నేను ఊహించలేదు. నాకు మద్దతిస్తున్న మీ అందరికి ధన్యవాదాలు. మీ అందరిని ఇలాగే ఎంటర్ టైన్ చేస్తా అని ఆ యువకుడు చెబుతున్నాడు.