పుష్ప 2 సెన్సార్ పూర్తి.. అధికారిక రన్ టైమ్ లాక్

దిశ, వెబ్ డెస్క్: ప్రపంచవ్యాప్తంగా ఎంతోమంది అభిమానులు ఎదురు చూస్తున్న పుష్ప-2 (Pushpa 2) చిత్రం షూటింగ్ పూర్తి చేసుకుంది. ఈ క్రమంలో నేడు ఈ సినిమా సెన్సార్(sensor) ముందుకు వచ్చింది. కాగా సినిమాను పూర్తిగా చూసిన సెన్సార్ బోర్డు.. మూడు బీప్స్‌తో U/A స‌ర్టిఫికెట్ జారీ చేసింది. కాగా అందరూ ఉహించినట్లు గానే సినిమా నిడివి 3 గంట‌ల 20 నిమిషాలు ఉంది. పుష్ప-1 కు రెండో పార్టుగా వస్తున్న ఈ సినిమా జ‌పాన్ ఎపిసోడ్ తో ప్రారంభం అవుతుందని.. 25 నిమిషాల పాటు సాగే జాత‌ర ఎపిసోడ్ తోనే పైసా వ‌సూల్ చేస్తుందని, మాస్ అప్పీల్‌తో సాగిన‌ క్లైమాక్స్ ఫైట్‌.. కాళ్లూ చేతులూ క‌ట్టేసినా హీరో చేసే విధ్వంసం సృష్టించినట్లు తెలుస్తుంది. అలాగే ట్రైలర్లు, పోస్టర్లలో చూపించిన విదంగానే.. పుష్ప - శ్రీ‌వ‌ల్లి మ‌ధ్య ఎమోష‌న్స్ కుటుంబ ప్రేక్షకులను థియేట‌ర్లకు ర‌ప్పించ‌డం ఖాయం అని, మొత్తంగా చూస్తే పుష్ప 1ని మించిన విజ‌యాన్ని పుష్ప 2 సాధిస్తుంద‌న్న అంచ‌నాలు క‌నిపిస్తున్నట్లు తెలుస్తొంది. కాగా డిసెంబర్ 5న ప్రపంచ వ్యాప్తంగా పుష్ప-2 విడుదలకు సిద్దం అవుతుండగా.. ఓవర్సీస్‌లో ఒక రోజు ముందే అంటే డిసెంబర్ 4వ తేదీనే పుష్ప 2 సందడి మొదలుకానుంది. తెలుగు రాష్ట్రాల్లో మాత్రం స్పెషల్ షోలు, బెనిఫిట్ షోలు ఉండనున్నాయి. దేశవ్యాప్తంగా ఈ సినిమాపై భారీ అంచనాలు ఉండటంతో.. పుష్ప 2 హైప్ దృష్ట్యా అడ్వాన్స్ బుకింగ్స్ ఓ రేంజ్‌లో జరిగే అవకాశాలున్నట్లు సినీ విశ్లేషకులు భావిస్తున్నారు.