పుష్ప-2 రన్ టైమ్ లాక్..! మొత్తం ఎన్నిగంటలో తెలిస్తే షాకే

దిశ, వెబ్ డెస్క్: ప్రస్తుతం టాలీవుడ్ సినిమా ప్రేక్షకులతో పాటు యావత్ ప్రపంచంలోని సినిమా ప్రియులు పుష్ప-2(Pushpa-2)కోసం వేచి చూస్తున్నారనడంతో అతిశయోక్తి లేదు. ఎందు కంటే పుష్ప పార్ట్ వన్ తెలుగుతో పాటు రిలీజ్ అయిన అన్ని భాషల్లో భారీ బ్లాక్ బస్టర్ కావడమే కాకుండా వందల కోట్లు వసూల్ చేసింది. ఈ క్రమంలో వచ్చే పార్ట్-2 పై అమాంతం ఆశలు పెరిగిపోయాయి. దీంతో ఈ సినిమా నుంచి వచ్చిన ప్రతి సాంగ్, పోస్టర్ కోట్లలో వ్యూస్ దక్కించుకుంటున్నాయి. అయితే ఈ సినిమా ఇప్పటికే షూటింగ్ పూర్తి చేసుకోగా.. కొద్ది రోజుల క్రితం పాట్నాలో రిలీజ్ అయిన పుష్ప 2 ట్రైలర్ ఓ రేంజ్‌లో దూసుకెళ్తుంది. దీంతో హైదరాబాద్‌లో జరిగే ప్రీ రిలీజ్ ఈవెంట్‌లో సెకండ్ ట్రైలర్ రిలీజ్ చేసి సినిమాపై మరింత హైప్ తీసుకురావాలని మేకర్స్ భావిస్తున్నారు.

ఈ క్రమంలో డిసెంబర్ 5న ప్రపంచ వ్యాప్తంగా పుష్ప-2 విడుదలకు సిద్దం అవుతుండగా.. ఓవర్సీస్‌లో ఒక రోజు ముందే అంటే డిసెంబర్ 4వ తేదీనే పుష్ప 2 సందడి మొదలుకానుంది. తెలుగు రాష్ట్రాల్లో మాత్రం స్పెషల్ షోలు, బెనిఫిట్ షోలు ఉండనున్నాయి. దేశవ్యాప్తంగా ఈ సినిమాపై భారీ అంచనాలు ఉండటంతో.. పుష్ప 2 హైప్ దృష్ట్యా అడ్వాన్స్ బుకింగ్స్ ఓ రేంజ్‌లో జరిగే అవకాశాలున్నట్లు సినీ విశ్లేషకులు భావిస్తున్నారు. ఈ క్రమంలో ప్రస్తుతం పుష్ప-2 సినిమాకు సంబంధించిన ఓ వార్త సోషల్ మీడియాలో వైరల్ గా మారుతుంది. ఈ సినిమా రన్ టైమ్ ఏకంగా 3 గంటల 21 నిమిషాలు ఉందని రేపో ఎల్లుండో సెన్సార్ పూర్తి చేసుకొనున్నట్లు తెలుస్తోంది. అయితే పుష్ప-1 రెండు గంటల 59 నిమిషాలు ఉండగా.. పార్ట్ 2 మరో 20 నిమిషాలు అటు ఇటుగా అధికంగా ఉండనుందని.. పూర్తి సెన్సార్ తర్వాత ఈ సినిమా నిడివిని అధికారికంగా అనౌన్స్ చేయనున్నట్లు సినీ విశ్లేషకులు చెబుతున్నారు.