దిల్ రాజు ఫ్యామిలీ నుంచి కొత్త హీరోగా  ‘రౌడీ బాయ్’ ఎంట్రీ

దిశ, సినిమా : టాలీవుడ్‌లో సక్సెస్‌ఫుల్ ప్రొడ్యూసర్స్‌గా రాణిస్తున్న దిల్‌రాజు అండ్ ఫ్యామిలీ నుంచి శిరీష్ త‌న‌యుడు ఆశిష్‌ హీరోగా పరిచయం అవుతున్నాడు. శ్రీహ‌ర్ష కొనుగంటి ద‌ర్శక‌త్వంలో శ్రీ వెంక‌టేశ్వర క్రియేష‌న్స్‌ బ్యానర్‌పై నిర్మించిన చిత్ర ఫ‌స్ట్‌లుక్‌ను సెన్సేష‌న‌ల్ డైరెక్టర్ వీవీ వినాయ‌క్ విడుద‌ల చేయ‌గా, మోష‌న్ పోస్టర్‌ను డైరెక్టర్ సుకుమార్ విడుద‌ల చేశారు. ఈ సంద‌ర్బంగా మాట్లాడిన దిల్ రాజు.. మూడేళ్లపాటు నటనలో శిక్షణ తీసుకున్న ఆశిష్ ‘రౌడీ బాయ్స్’ సినిమాతో ప్రేక్షకుల ముందుకొస్తున్నాడని, ఆశీర్వదించాలని కోరారు. దేవిశ్రీప్రసాద్‌ వంటి టాప్ టెక్నీషియ‌న్స్ ప‌నిచేసిన సినిమాను అక్టోబ‌ర్‌లో రిలీజ్ చేసేందుకు ప్లాన్ చేస్తున్నట్టు తెలిపారు. అనుప‌మ ప‌ర‌మేశ్వర‌న్ హీరోయిన్‌గా న‌టించిన సినిమాలో ల‌గ‌డ‌పాటి శ్రీధ‌ర్‌ అబ్బాయి విక్రమ్ నెగెటివ్ రోల్ చేశాడన్నారు.

ఇక ఆశిష్ పెద్ద హీరో కావాలని, ఈ సినిమా ద్వారా ప్రేక్షకులంద‌రినీ ఎట్రాక్ట్ చేయాల‌ని కోరుకున్న వినాయక్.. తనకు ఆల్ ది బెస్ట్ చెప్పాడు. ఇండ‌స్ట్రీకి ఎంతో మంది న‌టీన‌టులు, టెక్నీషియ‌న్స్‌ను ప‌రిచ‌యం చేసిన ఈ సంస్థ నుంచి ప‌రిచ‌యం అవుతున్న శిరీశ్‌గారి అబ్బాయి ఫ్యూచర్‌లో పెద్ద హీరో కావాల‌ని సుకుమార్ ఆకాంక్షించారు. కాగా తన డెబ్యూ మూవీ ఫస్ట్‌లుక్‌, మోష‌న్ పోస్టర్ విడుద‌ల చేసిన వినాయ‌క్‌, సుకుమార్‌‌కు థాంక్స్‌ చెప్పిన హీరో ఆశిష్.. కుటుంబ స‌భ్యుల స‌పోర్ట్‌ను ఎప్పటికీ మ‌ర‌చిపోలేనని అన్నాడు.