Accident : ఆర్టీసీ బస్సు, ట్రాక్టర్ ఢీ.. పారిశుద్ధ్య కార్మికులకు గాయాలు..

దిశ, కోరుట్ల టౌన్ : కోరుట్ల పట్టణం పాత బస్టాండ్ ప్రాంతంలో గురువారం తెల్లవారుజామున బోధన్ డిపోకు చెందిన ఆర్టీసీ బస్సు, కోరుట్ల మున్సిపల్ పారిశుద్ధ్య ట్రాక్టర్ ఢీ కొన్నాయి. ఈ ఘటనలో పారిశుధ్య ట్రాక్టర్ లో ఉన్న ఆరుగురు పారిశుధ్య కార్మికులు కార్తీక్, బైరి రాధ, సుగుణ, తార, గంగు, రేణుకలు తీవ్రంగా గాయపడ్డారు. గాయపడ్డ వీరిని చికిత్స నిమిత్తం జగిత్యాల ఏరియా ఆసుపత్రికి తరలించారు. బస్సులో ఉన్న ప్రయాణికులు సురక్షితంగా ఉన్నారు. సంఘటనా స్థలానికి మున్సిపల్ కమిషనర్ బట్టు తిరుపతి చేరుకుని పరిశీలించారు.