Road Accident: ఘోర రోడ్డు ప్రమాదం.. ఆరుగురు దుర్మరణం, 10 మందికి గాయాలు

దిశ, వెబ్‌డెస్క్: రోడ్డు ప్రమాదం (Road Accident)లో ఆరుగురు దుర్మరణం పాలైన విషాద ఘటన గుజరాత్ (Gujarat) రాష్ట్రంలో చోటుచేసుకుంది. వివరాల్లోకి వెళితే.. భావ్ నగర్ (Bhavnagar) జిల్లాలో ఓ ట్రక్కు, బస్సును బలంగా ఢీకొట్టింది. ఈ దుర్ఘటనలో మొత్తం ఆరుగురు అక్కడికక్కడే ప్రాణాలు కోల్పోయారు. మరో పది మందికి తీవ్ర గాయాలయ్యాయి. స్థానికుల సమాచారం మేరకు ఘటనా స్థలానికి చేరుకున్న పోలీసులు ప్రమాదం జరిగిన ప్రాంతాన్ని పరిశీలించారు. అనంతరం గాయపడిన వారిని చికిత్స నిమిత్తం ఆసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు పోలీసులు వెల్లడించారు. ప్రమాదానికి సంబంధించి పూర్తి వివరాలు ఇంకా తెలియాల్సి ఉంది.