పార్కింగ్ స్థలంలో వివాదం.. పరస్పరం కత్తులతో దాడి చేసుకున్న రౌడీషీటర్లు

దిశ, బహదూర్ పుర: పార్కింగ్ స్థలం వద్ద తలెత్తిన చిన్న వివాదంతో మాట మాట పెరిగి కత్తులతో దాడి చేసుకున్న ఘటన చంద్రాయణ గుట్ట పోలీస్ స్టేషన్ పరిధిలో జరిగింది. పోలీసులు తెలిపిన వివరాల ప్రకారం.. చంద్రాయణ గుట్ట పోలీస్ స్టేషన్ పరిధిలోని బార్కాస్ సలాలలోని ఒక పార్కింగ్ స్థలం వద్ద రౌడీషీటర్లు సులేమాన్ బామ్ అలీ బైసా మధ్య చిన్న వివాదం తలెత్తింది. మాట మాట పెరగడంతో ఒకరిపై ఒకరు కత్తులతో దాడి చేసుకున్నారు. గాయాల పాలైన సులేమాన్‌ని పోలీసులు హాస్పిటల్‌కి తరలించారు. ఈ ఘటనపై కేసు నమోదు చేసుకుని దర్యాప్తు చేస్తున్నట్లు చంద్రాయన గుట్ట పోలీసులు తెలిపారు.