గోదావరిలో యువకుడు గల్లంతు

దిశ, మల్లాపూర్ : జగిత్యాల జిల్లా మల్లాపూర్ మండలం వేంపల్లి వెంకట్రావుపేట గ్రామంలోని గోదావరి నదిలో యువకుడు గల్లంతయ్యాడు. స్థానికులు తెలిపిన వివరాల ప్రకారం ఓ శుభకార్యం కోసం వచ్చిన రాయికల్ మండలం అయోధ్య గ్రామానికి చెందిన పాకాల శ్రీవర్ధన్ (17) అనే యువకుడు గోదావరి నదిలో స్నానానికి వెళ్లి ఈత రాక మునిగి గల్లంతయ్యాడు. సంఘటన స్థలానికి పోలీసులు చేరుకొని గజ ఈతగాళ్లతో గాలిస్తున్నారు. పూర్తి వివరాలు తెలియాల్సి ఉంది.