విషాదం.. రోడ్డు ప్రమాదంలో తండ్రి, కూతురు మృతి

దిశ ప్రతినిధి,అనంతపురం:శ్రీ సత్యసాయి జిల్లా రొద్దం జిల్లా పరిషత్ ఉన్నత పాఠశాలలో వ్యాయామ ఉపాధ్యాయుడిగా పనిచేస్తున్న రమేష్(40), ఆయన కుమార్తె సాయి భవిత(15) రోడ్డు ప్రమాదంలో మృతి చెందారు. 10వ తరగతి చదువుతున్న సాయి భవిత తన తండ్రి రమేష్‌తో కలిసి శాంతినికేతన్ పాఠశాలలో జరిగిన రాష్ట్రస్థాయి హాకీ పోటీలకు హాజరై తిరిగి వస్తుండగా గుట్టూరు వద్ద బుధవారం జరిగిన రోడ్డు ప్రమాదంలో తీవ్రంగా గాయపడ్డారు. గాయపడిన కొద్దిసేపటికే సాయిభవిత మృతి చెందగా .. అనంతపురంలో చికిత్స పొందుతున్న రమేష్ కూడా రాత్రి మృతి చెందారు. వారి మృతి బాధాకరం, వారి కుటుంబానికి ప్రగాఢ సానుభూతి తెలియజేస్తున్నామని సత్య సాయి జిల్లా శాఖ ఒక ప్రకటనలో పేర్కొంది.