గుర్తు తెలియని మృతదేహం లభ్యం

దిశ, కొడిమ్యాల : జగిత్యాల జిల్లా కొడిమ్యాల మండలం పూడూరు గ్రామ శివారులో బుధవారం గుర్తు తెలియని మృతదేహం లభ్యం అయింది. స్థానిక పోలీసులు తెలిపిన వివరాల ప్రకారం పూడూరు గ్రామ శివారులోని పత్తి చేనులో గుర్తు తెలియని వ్యక్తి మృత దేహాన్ని చేను యజమాని గుర్తించి పోలీసులకు సమాచారం అందించారు.హెడ్ కానిస్టేబుల్ హర్ష రాజు సంఘటనా స్థలానికి చేరుకుని పరిశీలించారు. మృతుని వయస్సు సుమారు నలభై నుండి యాభై ఏళ్ల మధ్య ఉంటుందని, మృతుడికి సంబంధించి పూర్తి వివరాలు తెలియాల్సి ఉందని తెలిపారు.