భారీగా గుట్కా స్వాధీనం

దిశ, ఆసిఫాబాద్ : అక్రమంగా తరలిస్తున్న గుట్కాను బుధవారం జైన్నూర్ పోలీసులు పట్టుకున్నారు. ఎస్ఐ సాగర్ తెలిపిన వివరాల ప్రకారం ఉట్నూర్ నుండి జైనూర్ మండలానికి కారులో అక్రమంగా గుట్కా తరలిస్తున్నట్లు వచ్చిన సమాచారం మేరకు శివ్ నూర్ ఎక్స్ రోడ్డు వద్ద తనిఖీ చేసి రూ. 87,500 విలువ గల గుట్కా ప్యాకెట్లను స్వాధీనం చేసుకున్నారు. ఉట్నూర్ కు చెందిన మొహమ్మద్ ఫైజాన్ పై కేసు నమోదు చేసినట్లు ఎస్ఐ పేర్కొన్నారు. అలాగే అక్రమంగా తరలిస్తున్న నాలుగు పశువులను పట్టుకొని కెరమెరి మండలానికి చెందిన ఫయాజ్, షేక్ హుస్సేన్ లను అదుపులో తీసుకుని ఇద్దరి పై కేసు నమోదు చేసినట్లు చెప్పారు.