లారీ ఢీకొట్టడంతో యువకుడు దుర్మరణం

దిశ, వలిగొండ : రోడ్డు ప్రమాదంలో యువకుడు మృతి చెందిన సంఘటన మండలంలోని టేకుల సోమవారం గ్రామంలో చోటు చేసుకుంది. పోలీసులు తెలిపిన వివరాల ప్రకారం వలిగొండ పట్టణానికి చెందిన ఎగ్గె నవీన్ (24) ఓ ప్రైవేట్ బ్యాంకులో పని చేస్తున్నాడు. పనులు ముగించుకొని తన బుల్లెట్ బైక్ పై భువనగిరి నుంచి వలిగొండలోని తన నివాసానికి వస్తుండగా ప్రమాదవశాత్తు ఎదురుగా వస్తున్న లారీ ఢీకొనడంతో అక్కడికక్కడే మృతి చెందాడు. సమాచారం తెలుసుకున్న పోలీసులు సంఘటనా స్థలానికి చేరుకొని దర్యాప్తు చేస్తున్నారు. మృతిని తండ్రి మల్లేశం ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్​ఐ యుగేందర్ గౌడ్ తెలిపారు.