Crime : ప్రమాదవశాత్తు బావిలో పడి ఓ వ్యక్తి మృతి

దిశ, మర్పల్లి: బావిలో స్నానం చేద్దామని వెళ్లి ప్రమాదవశాత్తు బావిలో పడి ఓ వ్యక్తి మృతి చెందిన సంఘటన మర్పల్లి మండల లోని కోతాలపుర్ గ్రామంలో శుక్రవారం చోటుచేసుకుంది. స్థానికులు కుటుంబీకులు,తెలిపిన వివరాల ప్రకారం.. కోతాలపుర్ గ్రామానికి చెందిన దిగ్వాల్ వీరేశం (46) గ్రామంలో త్రాగునీరు సరఫరా పనులు, కూలి పనులు చేసుకుంటూ జీవనం సాగించేవాడు. శుక్రవారం నాయనమ్మ అంత్యక్రియలు ముగించుకొని రాత్రి సమయంలో స్నానం చేద్దామని వ్యవసాయ పొలం వద్దకు వెళ్లాడు. ప్రమాదవశాత్తు బావిలో పడి మృతి చెందాడు. మృతుడికి భార్య, ముగ్గురు పిల్లలు ఉన్నారు. పోలీసులు సంఘటన స్థలానికి చేరుకొని శవాన్ని పోస్టుమార్టం నిమిత్తం ప్రభుత్వ ఆసుపత్రికి తరలించి బంధువులకు అప్పగించారు.