అపార్ట్‌మెంట్ లిఫ్ట్ కూలి ఆరుగురికి తీవ్ర గాయాలు..

దిశ, ఛార్మినార్ : ఓ అపార్ట్మెంట్ లో లిఫ్ట్ కూలి ఐదుగురికి తీవ్ర గాయాలైన సంఘటన పాతబస్తీ కాలపత్తర్ పోలీస్ స్టేషన్ పరిధిలో సోమవారం తెల్లవారుజామున జరిగింది. వివరాలలోకి వెళితే... పాతబస్తీ చందూలాల్ బారాదరి ప్రాంతంలోని ఓ ఐదంతస్తుల బిల్డింగ్ లో సోమవారం తెల్లవారుజామున 1 గంటలకు లిఫ్ట్ లో ఉండగా ఒక్కసారిగా కుప్పకూలింది. లిఫ్ట్ లో ఐదుగురి తో పాటు ఓ చిన్నారి కి గాయాలు అయ్యాయి. మాకాళ్ళు విరిగిపోయాయి. మమ్మల్ని కాపాడండి అంటూ బాధితులు ఫోన్ చేసి బంధువులకు సమాధానం ఇవ్వడంతో అసలు విషయం బయట పడింది. అందులో ఒకరికి కాళ్ళు విరిగినట్టు సమాచారం. బాధితులు తీసిన వీడియో సోషల్ మీడియాలో వైరల్ గా మారింది. బాధితులను చికిత్స నిమిత్తం అబిడ్స్ లోని ఓ ప్రయివేట్ ఆస్పత్రికి తరలించారు. పూర్తి వివరాలు ఇంకా తెలియాల్సి ఉంది. ఈ కేసును కాలా పత్తర్ పోలీసులు దర్యాప్తు చేస్తున్నారు.