ఘోర రోడ్డు ప్రమాదం..ఆర్టీసీ బస్సు ఢీకొని ఇద్దరు మృతి...

దిశ, ఆదిలాబాద్ : ఆదిలాబాద్ జిల్లా జైనథ్ లో విషాదం చోటుచేసుకుంది.మండల కేంద్రం సమీపంలో సోమవారం ఘోర రోడ్డు ప్రమాదం జరిగింది.. ఈ ప్రమాదంలో ఇద్దరు మృతి చెందారు. స్థానికులు తెలిపిన వివరాల ప్రకారం జైనథ్ మండల కేంద్రంలోని హనుమాన్ దేవాలయం వద్ద ద్విచక్ర వాహనాన్ని ఆర్టీసీ బస్సు ఢీకొట్టింది. ఉట్నూర్ డిపో కు చెందిన ఆర్టీసీ బస్ మహారాష్ట్రలోని చంద్రాపూర్ కు వెళ్తున్న క్రమంలో బస్సు బైక్ ను ఢీ కొట్టగా, ఈ ప్రమాదంలో ఇద్దరు మృతి చెందగా.. ఒకరికి తీవ్ర గాయాలయ్యాయి.

మృతి చెందిన వారు ఆదిలాబాద్ పట్టణంలోని ఖానాపూర్ కాలనీ కి చెందిన షేక్ అలీ(60),షేక్ రేహాన్ (13) అక్కడికక్కడే దుర్మరణం చెందారు.అయితే వారు జైనథ్ మండల కేంద్రంలో జరుగుతున్న శ్రీ లక్ష్మీనారాయణ స్వామి దేవస్థానం జాతర కి వెళ్లి తమ ద్విచక్ర వాహనంపై వస్తుండగా ఈ ప్రమాదం జరిగినట్లు తెలుస్తోంది.ఈ విషయం తెలుసుకున్న పోలీసులు సంఘటన స్థలానికి చేరుకుని దర్యాప్తు చేస్తామని వెల్లడించారు.అనంతరం మృతదేహాలను పోస్టు మార్టం నిమిత్తం రిమ్స్ మార్చురీకి తరలించారు.