లారీ ఢీకొని ఓ బాలుడి దుర్మరణం

దిశ, షాద్ నగర్ : షాద్ నగర్ పోలీస్ స్టేషన్ పరిధిలోని ఫరూఖ్ నగర్ మండలం మొగిలిగిద్ద గ్రామ చౌరస్తాలోని ఓ టిప్పర్ లారీ డ్రైవర్ అజాగ్రత్తగా వాహనాన్ని నడుపుతూ ఓ 14 ఏళ్ల బాలుడిని ఢీకొట్టడంతో సంఘటన స్థలంలోనే మృత్యువాత పడ్డాడు. మొగిలిగిద్ద గ్రామానికి చెందిన మహమ్మద్ జమాల్ (14) తీవ్ర గాయాలపాలై రోడ్డుపై విగత జీవిగా పడ్డాడు. ఏపీ 31 టీఈ 2189 టిప్పర్ లారీ ఢీకొట్టడంతో బాలుడు జమాల్ అక్కడే మృత్యువాత పడ్డాడని స్థానికులు ప్రత్యక్ష సభ్యులు తెలిపారు. ఈ సంఘటనతో లారీ డ్రైవర్ పరారయ్యాడని పేర్కొన్నారు. మరింత పూర్తి సమాచారం తెలియాల్సి ఉంది. సంఘటన స్థలాన్ని పట్టణ సీఐ విజయ్ కుమార్ బృందం పరిశీలించారు.