ట్రాక్టర్ ఢీకొని యువకుడి దుర్మరణం...
ట్రాక్టర్ ఢీకొని ఆసిఫాబాద్ మండల కేంద్రానికి చెందిన రెహన్ (19) అనే యువకుడు మృతి చెందాడు.
దిశ, ఆసిఫాబాద్ : ట్రాక్టర్ ఢీకొని ఆసిఫాబాద్ మండల కేంద్రానికి చెందిన రెహన్ (19) అనే యువకుడు మృతి చెందాడు. స్థానికులు తెలిపిన వివరాల ప్రకారం ఆసిఫాబాద్ లోని జాతీయ రహదారి బైపాస్ రోడ్డులో సోమవారం ఉదయం రెహన్ తన బైక్ తీసుకుని కాగజ్ నగర్ వెళ్తున్నారు. ఈ క్రమంలోనే మోతుగూడ వైపునుండి రాంగ్ రూట్ లో వచ్చిన ట్రాక్టర్ ఎదురుగా వచ్చి బైక్ ను ట్రాక్టర్ ఢీ కొనడంతో రెహన్ అక్కడికక్కడే మృతి చెందాడు. విషయం తెలుసుకున్న ఆసిఫాబాద్ పోలీసులు ఘటనా స్థలానికి చేరుకుని. రోడ్డు ప్రమాదానికి గల కారణాలు స్థానికులను అడిగి తెలుసుకున్నారు. మృతదేహాన్ని పోస్టుమార్టం నిమిత్తం ఆసిఫాబాద్ ప్రభుత్వ ఆసుపత్రికి తరలించినట్లు ఎస్ఐ శ్రీకాంత్ తెలిపారు.