అర్థరాత్రి పోలీసులు అప్రమత్తం.. తప్పిన భారీ అగ్ని ప్రమాదం

దిశ ప్రతినిధి,మహబూబ్ నగర్: మహబూబ్ నగర్ పోలీసులు అప్రమత్తతతో అర్థరాత్రి భారీ అగ్నిప్రమాదం తప్పింది. మంగళవారం అర్థరాత్రి 12 గంటల ప్రాంతంలో జిల్లా కేంద్రం బస్ స్టాండ్ పక్కన ఉన్న టీ హోటల్ అగ్నిప్రమాదం సంభవించింది. ఈ ఫైర్ యాక్సిడెంట్ లో హోటల్ పూర్తిగా దగ్ధం అయ్యింది. న్యూ ఇయర్ సందర్భంగా విధుల్లో ఉన్న డీఎస్పీ వెంకటేశ్వర్లు,టూ టౌన్ సీఐ ఎజాజోద్ధిన్ ఈ ప్రమాదాన్ని గుర్తించి వెంటనే అప్రమత్తమై ఫైర్ స్టేషన్ కు సమాచారం అందించారు.అగ్ని మాపక నివారణ వాహనం వచ్చి పక్కనే ఉన్న రేవా హోటల్ కు మంటలు సోకకుండా ఆర్పివేశారు. దీంతో పెను ప్రమాదం తప్పింది. ఈ సంఘటనలో ఆస్తి నష్టం మినహా ఎలాంటి ప్రాణ నష్టం జరగనట్లు పోలీసులు అంచనా వేస్తున్నారు.