BREAKING:జనసేనలోకి వైసీపీ కీలక నేత..?

దిశ,వెబ్‌డెస్క్: ఏపీలో అసెంబ్లీ ఎన్నికల ఫలితాల్లో జనసేన పార్టీ రికార్డు సృష్టించింది. జనసేన పోటీ చేసిన అన్ని స్థానాల్లో విజయకేతనం ఎగురవేసింది. జనసేన చీఫ్ పవన్ కళ్యాణ్ పిఠాపురం ఎమ్మెల్యేగా బాధ్యతలు స్వీకరించనున్నారు. ఈ ఎన్నికల్లో అధికార వైసీపీ ఘోర పరాజయం పాలైంది. కేవలం 11 స్థానాలకే పరిమితం అయింది. దీంతో పార్టీ నేతల్లో అసహనం నెలకొంది.

ఈ నేపథ్యంలో ఒంగోలు వైసీపీ మాజీ ఎమ్మెల్యే బాలినేని శ్రీనివాసరెడ్డి జనసేనలో చేరబోతున్నారనే ప్రచారం మొదలైంది. ఇటీవల ఎన్నికల్లో విజయం సాధించిన పవన్ కళ్యాణ్‌ను అభినందిస్తూ ఆయన ట్వీట్ చేశారు. అల్లర్లు జరగకుండా పవన్ ఇచ్చిన పిలుపును ప్రశంసించారు. దీంతో ఆయన జనసేన లోకి వెళ్లడం ఖాయమనే వాదనలు వినిపిస్తున్నాయి. ఎన్నికలకు ముందే ఆయన వైసీపీని వీడబోతున్నారని ప్రచారం జరిగింది.