రాజకీయాలు వదిలేస్తారా.. చంద్రబాబుకు శ్రీకాళహస్తి ఎమ్మెల్యే సవాల్

దిశ, వెబ్ డెస్క్: శ్రీకాళహస్తిలో రాజకీయాలు వేడెక్కాయి. ఎన్నికల సమయం దగ్గర పడటంతో నేతల మధ్య మాటలయుద్ధం నడుస్తోంది. పరస్పరం విమర్శలు చేసుకుంటున్నారు. ఇది కాస్త పీక్స్ స్టీజ్‌కు చేరింది. దీంతో సవాళ్లు చేసుకుంటున్నారు. ఎమ్మెల్యే మధుసూదన్ రెడ్డి శ్రీకాళహస్తిలో కంపెనీలను బెదిరించారని టీడీపీ అధినేత చంద్రబాబు వ్యాఖ్యానించారు. దీంతో ఈ వ్యాఖ్యలను ఎమ్మెల్యే మధుసూదన్ రెడ్డి సీరియస్‌గా తీసుకున్నారు. తాను కంపెనీలను బెదిరించినట్లు చంద్రబాబు రుజువు చేయాలని..లేనిపక్షంలో రాజకీయాలను వదిలేయాలని శ్రీకాళహస్తి ఎమ్మెల్యే మధుసూధన్ రెడ్డి సవాల్ చేశారు. చంద్రబాబు శ్రీకాళహస్తిలో ప్రయాణం చేస్తారా అని ప్రశ్నించారు. చంద్రబాబు నిరూపిస్తే తాను ఎమ్మెల్యే పదవికి రాజీనామా చేస్తానని ఆయన ఛాలెంజ్ చేశారు. తాను లోకల్ అని, బొజ్జల సుధీర్ నాన్ లోకల్ వ్యక్తి అని వ్యాఖ్యానించారు. తాను ఓడిపోయినా శ్రీకాళహస్తిలోనే ఉంటానన్నారు. ప్రమాణం చేసేందుకు బొజ్జల సుధీర్ రెడీనా మధుసూధన్ రెడ్డి సవాల్ విసిరారు.