హత్య కేసులో సంచలనం.. ఆ శరీర భాగాలు హిజ్రావి!?

దిశ, డైనమిక్​ బ్యూరో: ఏపీలో నిన్న వెలుగుచూసిన కిరాతక హత్య కేసు సంచలనం రేకెత్తిస్తోంది. బయ్యవరం బ్రిడ్జి కింద నిన్న రెండు కాళ్లు, చేతులు బెడ్​ ​షీట్​లో చుట్టి ఉండడాన్ని పోలీసులు గుర్తించారు. స్థానికుల సమాచారంతో కేసు నమోదు చేసిన పోలీసులు విచారణ చేపట్టి, ఆ శరీర భాగాలు ఓ హిజ్రావిగా గుర్తించారు. అనకాపల్లి డైట్ కాలేజ్ సమీపంలో ఇవాళ తల, మొండెం దొరికాయి. మిగిలిన శరీర భాగాల కోసం గాలిస్తున్నారు. హత్యకు గురైంది హిజ్రాగా నిర్థారణకు వచ్చారు. పోలీసులు విచారణలో పలు విషయాలు వెలుగులోకి వచ్చాయి.

చనిపోయిన వ్యక్తి హిజ్రా దిలీప్​ అలియాస్ రూపగా అని గుర్తించారు. బన్నీ అనే వ్యక్తితో నాలుగేళ్లుగా మునగపాక మండలం నాగులపల్లిలో హిజ్రా నివాసం ఉంటోంది. ఈ విషయాన్ని దీప తోటి హిజ్రాలకు కూడా చెప్పలేదు. చాలాకాలంగా హిజ్రా కమ్యూనిటీకి దూరంగా ఉంటోంది. ఎవరు చంపారు.. ఎందుకు ఇంత కిరాతంగా హత్య చేశారనే విషయాలు తెలియాల్సి ఉంది.

సీఎం చంద్రబాబు ఆరా..

ముఖ్యమంత్రి చంద్రబాబు ఈ కేసు విషయమై ఢిల్లీ నుంచి అనకాపల్లి ఎస్పీకి ఫోన్ చేశారు. ట్రాన్స్‌జెండర్ హత్య వివరాలు తెలుసుకుని నిందితులను కఠినంగా శిక్షించాలని ఆదేశించారు. త్వరగా దర్యాప్తు పూర్తి చేయాలని సీఎం ఆదేశించగా, నిందితులను అదుపులోకి తీసుకున్నట్లు అనకాపల్లి ఎస్పీ వివరించారు.