జనసేనాని భారీ విజయం..వీర తిలకం దిద్దిన పవన్ భార్య

దిశ,వెబ్‌డెస్క్: ఏపీలో సార్వత్రిక ఎన్నికల్లో టీడీపీ కూటమి ప్రభంజనం సృష్టించింది. ఈ ఎన్నికల ఫలితాల్లో సునామీ సృష్టిస్తూ దూసుకెళ్లింది. దీంతో టీడీపీ, జనసేన, బీజేపీ శ్రేణులు సంతోషం వ్యక్తం చేస్తున్నారు. పిఠాపురంలో జనసేన అధినేత పవన్ కల్యాణ్ వైసీపీ అభ్యర్థి వంగా గీత పై భారీ మెజార్టీతో విజయం సాధించారు. పిఠాపురంలో 18 రౌండ్లకు 69,169 ఓట్లు రాగా పోస్టల్ బ్యాలెట్ 1,671 ఓట్లతో కలిపి పోస్టల్ బ్యాలెట్ తో కలిపి 70,354 ఓట్లు వచ్చాయి. దీంతో భారీ మెజారిటీతో ఘన విజయం సాధించారు.

ఈ క్రమంలో భారీ విజయోత్సాహంతో జనసేన పార్టీ అధ్యక్షుడు పవన్ కళ్యాణ్ మంగళగిరికి బయలుదేరారు. హైదరాబాద్‌లో పవన్ కళ్యాణ్‌కు సతీమణి అన్నా లెజ్నేవా వీర తిలకం దిద్ది హారతి ఇచ్చారు. భర్తకు హారతి పట్టి దిష్టి తీశారు. పవన్ గెలుపుతో జనసేన అభిమానులు సంబరాలు చేసుకుంటున్నారు. పవన్ తనయుడు అకిరా నందన్ సైతం ఆయన తండ్రికి శుభాకాంక్షలు తెలిపారు.