Dhone: విద్యార్థులకు ఉచిత బస్సు సౌకర్యం

దిశ, డోన్: ఏప్రిల్ 3 నుంచి ప్రారంభంకానున్న పదో తరగతి పరీక్షలను దృష్టిలో ఉంచుకుని ప్రభుత్వం విద్యార్థులకు ఉచిత బస్ సౌకర్యం కల్పించిందని, ఈ అవకాశాన్ని విద్యార్థులు సద్వినియోగం చేసుకోవాలని ఆర్డీసీ డిపో మేనేజర్ మల్లాది శశిభూషణ్ తెలిపారు. స్థానిక డిపోలో ఆదివారం ఏర్పాటు చేసిన విలేకర్ల సమావేశంలో ఆయన మాట్లాడారు. 3 నుంచి 18వ తేదీ వరకు పల్లెవెలుగు బస్సల్లో తమ నివాస ప్రాంతాల నుంచి పరీక్ష కేంద్రాల వరకు ఈ అవకాశం కల్పించిందన్నారు. అయితే ఈ అవకాశం పరీక్ష సమాయానికి రెండు గంటల ముందు, పరీక్ష అనంతరం రెండు గంటల తర్వాత వరకు మాత్రమే అనుమతించనున్నట్లు చెప్పారు. సెలవు రోజుల్లో ఈ సౌకర్యం ఉండదని తెలియజేశారు.