Ap News: జనసేన ఎమ్మెల్యేలకు పవన్ కీలక సూచనలు

దిశ, వెబ్ డెస్క్: ఏపీ ఎన్నికల్లో జనసేన పార్టీ రికార్డు సృష్టించింది. పోటీ చేసిన అన్ని స్థానాల్లో విజయకేతనం ఎగురవేసింది. దీంతో ఆ పార్టీ ఎమ్మెల్యేలతో పవన్ కల్యాణ్ కీలక సమావేశం నిర్వహించారు. ప్రస్తుతం ఈ భేటీ మంగళగిరి పార్టీ కార్యాలయంలో కొసాగుతోంది. ప్రజలు ఎమ్మెల్యేలుగా అవకాశం ఇచ్చారని, ఇక నుంచి మరింత బాధ్యతతో కలసి పని చేయాలని సూచించారు. ఎన్నికల్లో ఓట్లు వేసి గెలిపించిన ప్రజలకు అందుబాటులో ఉండాలని ఎమ్మెల్యేలకు పవన్ తెలిపారు. కాగా ఈ ఎన్నికల్లో జనసేన పార్టీ 21 మంది ఎమ్మెల్యేలు, ఇద్దరు ఎంపీలు గెలిచారు. కూటమిలో భాగంగా జనసేన పార్టీ ఈ సీట్లకే పరిమితమైంది. అయినా సరే ఎన్నికల్లో జనసేన అభ్యర్థులందరూ భారీ మెజార్టీలతో గెలిచారు. పిఠాపురం నుంచి పోటీ చేసిన వపన్‌కు 60 వేలకు పైగా ఓట్ల మెజార్టీ వచ్చింది. ప్రస్తుతం ఆయన ఢిల్లీకి బయల్దేరి వెళ్లారు.