CM Chandrababu:ఈ నెల 16న ఢిల్లీకి వెళ్లనున్న సీఎం చంద్రబాబు

దిశ,డైనమిక్ బ్యూరో:రాష్ట్ర ముఖ్యమంత్రి చంద్రబాబు నాయుడు ఈనెల 16వ తేదీన ఢిల్లీకి వెళ్లనున్నారు. ఆయన 17న ప్రధాని మోడీని కలిసే అవకాశం ఉందని అధికార వర్గాలు తెలిపాయి. అమరావతి పునర్నిర్మాణం, పోలవరం ప్రాజెక్ట్‌..వెనుకబడిన జిల్లాలకు నిధులు, రుణాలపై చర్చించనున్నట్లు సమాచారం. ఆయనతోపాటు మరి కొంతమంది కేంద్ర మంత్రులు కూడా వెళ్ళనున్నారు. అధికారం చేపట్టిన తర్వాత చంద్రబాబు మూడు సార్లు ఢిల్లీకి వెళ్లారు. ప్రధానమంత్రిని కలిసి పలు అంశాలపై చర్చించారు. నీతి ఆయోగ్ సమావేశంలో కూడా పాల్గొన్నారు. కొద్దిరోజుల్లోనే ఆయన మళ్ళీ దేశ రాజధానికి వెళ్లడం ప్రాధాన్యం సంతరించుకుంది.