Ap News: రాయచోటిలో భారీగా ఎర్రచందనం పట్టివేత.. నిందితుల పరారీ

దిశ, వెబ్ డెస్క్: అన్నమయ్య జిల్లా రాయచోటిలో రెచ్చచందనం స్మగ్లర్లు రెచ్చిపోయారు. రాత్రి సమయంలో ఎర్రచందనం దుంగలను కారులో తరలించేందుకు ప్రయత్నం చేశారు. నాయినవారి పల్లి వద్ద లోడ్ చేస్తుండగా పోలీసులకు సమాచారం అందించారు. ఈ మేరకు దాడులకు వెళ్లగా కారును, దంగలను వదిలి ముద్దాయిలు పరారీ అయ్యారు. మొత్తం 10 ఎర్రచందనం దుంగలతో పాటు కారును స్వాధీనం చేసుకున్నారు. అన్నమయ్య జిల్లా నుంచి తమిళనాడుకు అక్రమంగా ఎర్రచందనం సరఫరా చేస్తున్నట్లు గుర్తించారు. నిందితులను పట్టుకునేందుకు పోలీసుల బృందం గాలిస్తున్నారు. తాము స్వాధీనం చేసుకున్న దుంగల విలువ రూ. 20 లక్షలు ఉంటుందని, అక్రమార్కులపై ఉక్కుపాదం మోపుతామని పోలీసులు తెలిపారు.