Darshans: ఈ రోజే ఇలా ఉందంటే.. రేపటి నుంచి పరిస్థితేంటో..?

దిశ, వెబ్ డెస్క్: శ్రీవారి వైకుంఠ ద్వార దర్శనాల(Srivari Vaikuntha Dwara Darshans)కు సమయం దగ్గర పడుతోంది. ఈ నెల 10వ తేదీ నుంచి 19 వరకు భక్తుల(Devotees)కు ఉత్తర ద్వార దర్శనాలకు అనుమతించనున్నారు. దీంతో భక్తులు భారీగా తరలి వస్తున్నారు. దాదాపు 10 లక్షల మంది భక్తులు శ్రీవారిని దర్శించుకునే అవకాశం ఉందని టీటీడీ అధికారులు(TTD Officers) అంచనా వేశారు. ఈ మేరకు వైకుంఠ ద్వార దర్శనాలకు గురువారం ఉదయం నుంచి టోకెన్లు జారీ చేయనున్నారు.

ఈ మేరకు తిరుపతి(Tirupati)లో అన్ని ఏర్పాట్లు చేశారు. 9 కేంద్రాల్లో టోకెన్లు జారీ చేసేందుకు అధికారులు సిద్ధమయ్యారు. పోలీసు, విజిలెన్స్ సమన్వయంతో భక్తులకు ఎలాంటి ఇబ్బందులు కలుగకుండా అన్ని చర్యలు చేపట్టారు. అటు సాంకేతికంగా సమస్యలు తలెత్తకుండా అన్ని ఏర్పాటు చేశారు. అయితే ఈ టోకెన్ల కేంద్రాల వద్ద అనూహ్య పరిణామాలు చోటు చేసుకుంటున్నారు. ఈ కేంద్రాల వద్దకు ఇప్పటికే భక్తులు భారీగా తరలివచ్చారు.