కడప శివారులో ఘోర రోడ్డు ప్రమాదం.. ఇద్దరు స్పాట్ డెడ్

దిశ, వెబ్ డెస్క్: కడప శివారు ప్రాంతంలో ఘోర రోడ్డు ప్రమాదం జరిగింది. ఆర్టీసీ బస్సును కారు ఢీకొట్టింది. ఈ ఘటనలో ఇద్దరు వ్యక్తులు అక్కడికక్కడే మృతి చెందారు. ముందు వెళ్తున్న వాహనాన్ని ఓవర్ టేక్ చేసే సమయంలో ఎదురుగా వస్తున్న ఆర్టీసీ బస్సును కారు ఢీట్టినట్లు స్థానికుల తెలిపారు. ప్రమాదంపై సమాచారం తెలుసుకున్న పోలీసులు సంఘటనా స్థలాన్ని పరిశీలించారు. ఇద్దరు వ్యక్తుల మృతదేహాలను పోస్టుమార్టంకు తరలించారు. కారు నెంబర్ ఆధారంగా మృతుల వివరాలు సేకరించారు. వారి కుటుంబాలకు సమాచారం అందజేశారు.

ఈ ఘటనలో ప్రమాదానికి గురైన వాహనాలను రోడ్డు నుంచి సైడుకు తీశారు. ట్రాఫిక్ జామ్‌ను క్లియర్ చేశారు. ప్రమాదానికి కారు ఓవర్ స్పీడే కారణమని ప్రాథమికంగా అంచనా వేశారు. కేసు నమోదు చేసి దర్యాప్తు చేస్తున్నారు. ప్రమాదంలో ఆర్టీసీ బస్సు ముందు భాగం దెబ్బ తిన్నట్లు తెలుస్తోంది. ఒక్కసారిగా ప్రమాదం జరగడంతో బస్సులో ఉన్న ప్రయాణికులు ఉలిక్కి పడ్డారు. ప్రమాదం తప్పడంలో ఊపిరి పీల్చుకున్నారు.