RRR కు పాటతో అలియా ఎంట్రీ…

యంగ్ టైగర్ ఎన్టీఆర్, రామ్ చరణ్ తేజ్ ల పాన్ ఇండియా ప్రాజెక్ట్ ‘రౌద్రం రణం రుధిరం’. జక్కన్న దర్శకత్వంలో వస్తున్న మూవీ ఇప్పటికే 75 శాతం పూర్తి అయినట్లు తెలుస్తోంది. కానీ అలియాభట్ ఎపిసోడ్ ఇంకా స్టార్ట్ కాలేదు. చెర్రీకి జోడీగా అలియా కనిపిస్తుండగా… మే నెలలో జరిగే షూటింగ్ తో అలియా RRR టీంతో జాయిన్ అవుతుందని సమాచారం. పుణేలో జరగనున్న షూటింగ్ లో ముందుగా అలియా, చెర్రీలపై పాట ప్లాన్ చేశాడట జక్కన్న. ఆ తర్వాత వీరిద్దరి మధ్య సన్నివేశాలను చిత్రీకరిస్తారట. లాక్ డౌన్ ఎఫెక్ట్ తో అలియా డేట్స్ సర్దుబాటు కాక ప్రాజెక్ట్ నుంచి తప్పుకుందని వార్తలు వచ్చాయి. కానీ అందులో నిజం లేదని స్పష్టం అయింది. DVV ఎంట్టైన్మెంట్ పతాకం పై దానయ్య నిర్మిస్తున్న చిత్రం బడ్జెట్ రూ. 400 కోట్లు దాటుతుందని అంచనా.

ఇదిలా ఉంటే కరోనా ఎఫెక్ట్ తో సినిమా షూటింగ్ వాయిదా పడగా… జనవరి 8న RRR విడుదలయ్యే ఛాన్స్ లేదని అభిప్రాయపడుతున్నారు విశ్లేషకులు. అయితే అలాంటిదేమీ లేదని… సినిమా ఖచ్చితంగా అనుకున్న సమయానికి రిలీజ్ చేస్తామని ప్రకటించారు నిర్మాత దానయ్య. అభిమానులు నిరాశ పడొద్దని సూచించారు.

Tags: RRR, Alia Bhatt, RRR, NTR, Ram Charan, SS Rajamouli, DVV, Danayya