‘అక్కడ అమ్మాయి ఇక్కడ అబ్బాయి’ ఫస్ట్ సింగిల్ డేట్ ఫిక్స్.. ఏకంగా ఈ స్టార్ హీరో చేతుల మీదుగా లాంచ్(పోస్ట్)

దిశ, సినిమా: బుల్లితెర స్టార్ యాంకర్ ప్రదీప్ మాచిరాజు, జబర్దస్త్ ఫేమ్ దీపికా పిల్లి జంటగా నటిస్తోన్న సినిమా ‘అక్కడ అమ్మాయి ఇక్కడ అబ్బాయి’. ఇక ఈ చిత్రాన్ని నితిన్, భరత్‌లు తెరకెక్కిస్తున్నారు. ఇక రీసెంట్‌గా హీరో, హీరోయిన్స్ పోస్టర్‌, లేలే అనే సాంగ్‌ ప్రోమోను మేకర్స్ రిలీజ్ చేసిన సంగతి తెలిసింది. అవి సినీ ప్రియులను ఎంతగానో ఆకట్టుకున్నాయి. ఈ క్రమంలో ఈ సినిమాకు సంబంధించిన ఓ న్యూస్ నెట్టింట చక్కర్లు కొడుతోంది.

అక్కడ అమ్మాయి ఇక్కడ అబ్బాయి సినిమాలోని లేలే అనే పాటను సూపర్ స్టార్ మహేష్ బాబు రేపు లాంచ్ చేయనున్నారంటూ ప్రదీప్ మాచిరాజు తన ఇన్‌స్టా వేదికగా ఓ ఇంట్రెస్టింగ్ పోస్ట్ పెట్టాడు. అయితే ఈ పాటకు సంబంధించిన ప్రోమో ఇదివరకే రిలీజ్ అయిన సంగతి తెలిసిందే. ప్రోమో కూడా ఆకట్టుకుంటుంది. ఈ సినిమాకి రథన్ సంగీతం అందిస్తున్నారు. ఇక సూపర్ స్టార్ చేతుల మీదుగా లాంచ్ అవుతున్న ఈ ఫుల్ సాంగ్ ఏ స్థాయిలో ఆకట్టుకుంటుందో రేపు తెలియనుంది. ప్రస్తుతం ఈ పోస్ట్ సోషల్ మీడియాలో తెగ వైరల్ అవుతోంది.