గ్రీన్ ఇండియా చాలెంజ్‌లో ‘బిగ్ బి’

దిశ, తెలంగాణ బ్యూరో : రాజ్యసభ సభ్యుడు సంతోష్ కుమార్ ప్రారంభించిన గ్రీన్ ఇండియా చాలెంజ్‌ మరో మైలురాయిని సాధించింది. రామోజీ ఫిల్మ్ సిటీలో జరిగిన ఓ కార్యక్రమానికి హాజరైన పద్మభూషణ్ అమితాబ్ బచ్చన్‌తో సంతోష్ కుమార్ మొక్కను నాటించారు. భావితరాలకు ఉపయోగపడే మంచి కార్యక్రమం చేపట్టారంటూ ఎంపీ సంతోష్ కుమార్‌ను బిగ్ బి ప్రశంసించారు. ఈ కార్యక్రమంలో హీరో నాగార్జున, నిర్మాత అశ్వనీదత్, ఫిలిం సిటీ ఎండీ విజయేశ్వరి పాల్గొన్నారు.