అలియాను ముద్దాడుతున్న భానుడు
బాలీవుడ్ యంగ్ బ్యూటీ అలియా భట్.. తన బాల్కనీలో హ్యాపీగా ఎంజాయ్ చేస్తోంది. ఫ్యామిలీ కబుర్లు, షూటింగ్ ముచ్చట్లను ఎప్పటికప్పుడు తన ఇన్‌స్టా ద్వారా పంచుకునే ఈ ముద్దుగుమ్మ.. తాజాగా ‘సన్ కిస్డ్’ ఫోటోను షేర్ చేసింది. ఆ ఫోటోకు జతగా ‘కభీ ఖుషీ కబీ ఘమ్’ సినిమాలోని ప్రముఖ పాట ‘సూరజ్ హువా మద్దమ్’ అనే లైన్‌ను యాడ్ చేసింది. ఈ ఫొటోలో అలియా సూర్యుణ్ని తీక్షణంగా చూస్తుండగా.. భానుడి లేలేత కిరణాలు ఆమె ముఖాన్ని వెచ్చగా ముద్దాడుతున్నాయి. కాగా అలియా ఈ ఫొటోను పోస్ట్ చేసిన కొద్ది నిముషాల్లోనే వైరల్‌గా మారింది. ఇక అలియా స్నేహితులైతే ఆమెపై కామెంట్ల వర్షం కురిపించారు. ఈ నేపథ్యంలో అలియా క్లోజ్ ఫ్రెండ్, గిల్టీ మూవీ యాక్టర్ ఆకాంక్ష రంజన్ కపూర్ ఆ ఫోటోపై ‘మై చాంద్’ అంటూ కామెంట్ చేయగా, ప్రముఖ నటి అదితి రావు హైదరి హార్ట్ సింబల్‌ను పోస్ట్ చేసింది. గతంలోనూ అలియా సూర్యున్ని చూస్తున్న ఫోటోను షేర్ చేస్తూ.. ‘స్టే హోమ్ అండ్ వాచ్ ద సన్ సెట్ ’ అని రాసుకొచ్చారు.
ఇదిలా ఉండగా.. అలియా 2019లో వచ్చిన ‘కళంక్’ సినిమాలో చివరగా కనిపించింది. ఆ తర్వాత ఆమె చిత్రాలేవీ విడుదల కాలేదు. అయితే ఈ ఏడాది ఆమె ‘బ్రహ్మస్త్ర, సడక్ -2, గంగుభాయి, కథియావాడి’ వంటి ప్రతిష్ఠాత్మకమైన చిత్రాల్లో నటిస్తోంది. ఇటు తెలుగులోనూ రాజమౌళి తెరకెక్కిస్తున్న పాన్ ఇండియా మూవీ ‘ఆర్‌ఆర్‌ఆర్’ తో తెలుగు తెరపై అరంగేంట్రం చేయనుంది.
