మరోసారి తల్లి కాబోతున్న ఐశ్వర్యారాయ్.. వైరల్ అవుతున్న వీడియో..

దిశ, సినిమా : మాజీ మిస్ వరల్డ్, బాలీవుడ్ నటి ఐశ్వర్యరాయ్‌ మరోసారి తల్లికాబోతుంది. ప్రస్తుతం ఇందుకు సంబంధించిన న్యూస్ సోషల్‌ మీడియాలో హల్ చల్ చేస్తోంది. ఇటీవల ముంబై ఎయిర్‌పోర్ట్‌లో ఫ్యామిలీతో కనిపించిన ఐశ్వర్య.. మీడియా కంటపడగానే కూతురు ఆరాధ్యను, చేతిలో ఉన్న హ్యాండ్‌బ్యాగ్‌ను దగ్గరకు హత్తుకుని తన స్టమక్ కనిపించకుండా కవర్ చేసింది. ఇదంతా వీడియో తీసిన ఓ వ్యక్తి సోషల్ మీడియాలో పోస్ట్ చేయగా.. బచ్చన్ ఫ్యామీలికి మరో వారసుడు రాబోతున్నాడంటూ నెటిజన్లు, ఫ్యాన్స్ కామెంట్స్ చేస్తున్నారు. కానీ, ఈ గుడ్ న్యూస్‌కు సంబంధించి ఇప్పటివరకు అధికారిక ప్రకటన రాకపోవడం విశేషం. ఇక ఐశ్యర్య ప్రస్తుతం మణిరత్నం దర్శకత్వంలో రూ.500 కోట్ల భారీ బడ్జెట్‌తో రూపొందుతున్న ‘పొన్నియన్‌ సెల్వన్‌’ మూవీలో నటిస్తున్న విషయం తెలిసిందే.