బావిలో పడ్డ కారు.. ఒకరు మృతి

దిశ, నల్లగొండ: ఓవర్ స్పీడ్‌తో వెళ్తున్న కారు అదుపుతప్పి వ్యవసాయ బావిలో పడటంతో ఒకరు మృతిచెందగా, మరొకరు ప్రాణాలతో బయటపడ్డారు. ఈ సంఘటన సోమవారం యాదాద్రి భువనగిరి జిల్లా వలిగొండ మండలం వేములకొండకు వెళ్లే దారిలోని పల్లెర్ల స్టేజి వద్ద చోటుచేసుకుంది. పోలీసుల వివరాల ప్రకారం మితిమీరిన వేగంతో వెళ్తున్న కారు అదుపుతప్పి పల్లెర్ల స్టేజీ దగ్గర రోడ్డు పక్కన ఉన్న బావిలో పడిపోయింది. ఆ సమయంలో కారులో ఇద్దరు ఉన్నారు. ఓ వ్యక్తి ప్రాణాలతో బయట పడ్డారు. మరొకరు కారులోనే ఇరుక్కుపోయారు. ఇది గమనించిన స్థానికులు పోలీసులకు సమాచారం ఇచ్చారు. సంఘటన స్థలానికి చేరుకున్న ఎస్ఐ శివనాగ ప్రసాద్ స్థానికుల సాయంతో కారులో చిక్కుకున్న వ్యక్తిని బయటకు తీశారు. కానీ, అతను అప్పటికే మృతిచెందాడు. ఈ మేరకు కేసు నమోదు చేసుకుని దర్యాప్తు చేస్తున్నట్టు ఎస్ఐ వెల్లడించారు.

tags : accident, car falling in well, 2 in car, one escape, another one stuck