పదునైన కత్తితో గొంతుకోసి.. యువకుడి దారుణ హత్య

దిశ, జగిత్యాల: జగిత్యాల జిల్లాలో దారుణ ఘటన చోటుచేసుకుంది. జిల్లాలోని గొల్లపల్లి మండలం అగ్గిమల్ల గ్రామానికి చెందిన తోటవేని వెంకటేష్(23)ను కొందరు గుర్తు తెలియని వ్యక్తులు కిరాతకంగా హత్య చేసి చంపారు. ఈ ఘటన సోమవారం చోటుచేసుకుంది. పదునైన ఆయుధాలతో గొంతుకోసి హతమార్చారు. హత్యకు సంబంధించిన వివరాలు తెలియరాలేదు. విషయం తెలిసిన పోలీసులు ఘటనా స్థలానికి చేరుకొని కేసు నమోదు చేసుకున్నారు. అనంతరం వివిధ కోణాల్లో దర్యాప్తు ప్రారంభించారు.