ఓటీటీలోకి రాబోతున్న తమన్నాభాటియా రూ. 100 కోట్ల సినిమా.. అఫీషియల్ అనౌన్స్‌మెంట్ రిలీజ్
దిశ, సినిమా: టాలీవుడ్ స్టార్ హీరోయిన్ తమన్నా భాటియా, రాశీ ఖన్నా ప్రధాన పాత్రలో నటించిన చిత్రం అరణ్మైనై-4. సుందర్ సి స్వీయ డైరెక్షన్‌లో తెరకెక్కిచ ఈ మూవీని తెలుగులో ‘బాక్’ పేరుతో మే 3న థియేటర్స్‌లో విడుదల చేశారు మేకర్స్. కుష్బూ సుందర్, ఏసీఎస్ అరుణ్ కుమార్ సంయుక్తంగా నిర్మించారు. అయితే ఈ సినిమా తమిళంలో అరణ్మైనై-4 పేరుతో విడుదలై 20 రోజుల్లోనే ఏకంగా రూ. 100 కోట్ల కలెక్షన్స్ రాబట్టి రికార్డు సృష్టించింది.
తాజాగా, ఈ సినిమా ఓటీటీ లోకి వచ్చేందుకు రెడీ అయింది. జూన్ 21 నుంచి ప్రముఖ ఓటీటీ సంస్థ డీస్నీ ప్లస్ హాట్ స్టార్‌లో స్ట్రీమింగ్ కాబోతుంది. దీనికి సంబంధించిన అధికారిక ప్రకటన ట్విట్టర్ వేదికగా విడుదల చేశారు. అయితే ఓ పోస్టర్‌ను రిలీజ్ చేస్తూ.. తెలుగు, తమిళం, కన్నడ, మలయాళ భాషల్లో స్ట్రీమింగ్ అందుబాటులోకి రానున్నట్లు డిస్నీ ప్లస్ హాట్ స్టార్ సంస్థ వెల్లడించింది. దీంతో సినీ ప్రియులు ఆనంద పడుతున్నారు.
