Indian-2: ఓటీటీలోకి వచ్చేస్తున్న భారతీయుడు-2.. స్ట్రీమింగ్ తేదీ ప్రకటించిన నెట్‌ఫ్లిక్స్

దిశ, సినిమా: లోకనాయకుడు కమల్ హాసన్, శంకర్ కాంబోలో ఇటీవల వచ్చిన మూవీ ‘భారతీయుడు-2’. ఈ సినిమా 1996లో వచ్చిన భారతీయుడు మూవీకి సీక్వెల్‌గా వచ్చింది. ఇందులో సిద్ధార్థ్, రకుల్, కాజల్ కీలక పాత్రల్లో నటించారు. దీనిని లైకా ప్రొడక్షన్స్ నిర్మించింది. అయితే ఈ సినిమా భారీ అంచనాల నడుమ విడుదలైనప్పటికీ ఊహించిన విజయం సాధించలేకపోయింది. జూలై 12న థియేటర్స్‌లో విడుదలై డిజాస్టర్‌గా నిలిచింది. అలాగే పలు విమర్శలు కూడా ఎదుర్కొంది.

అంతేకాకుండా చాలా మంది బోరింగ్ సినిమా అని దారుణంగా ట్రోల్ చేశారు. దీంతో మేకర్స్ భారతీయుడు-2 సినిమా దాదాపు 12 నిమిషాల నిడివి తగ్గించారు. అయినప్పటికీ సక్సెస్ అందుకోలేకపోయారు. తాజాగా, భారతీయుడు-2 డిజిటల్ హక్కులను ప్రముఖ సంస్థ నెట్‌ఫ్లిక్స్ సొంతం చేసుకున్నట్లు తెలుస్తోంది. ఈ మూవీ విడుదలై నెల కాకుండా ఓటీటీలో స్ట్రీమింగ్ కాబోతున్నట్లు అధికారిక ప్రకటన రిలీజ్ అయింది. ఆగస్టు 9వ తేదీన భారతీయుడు-2 తెలుగు, తమిళ, హిందీ భాషల్లో స్ట్రీమింగ్ కాబోతున్నట్లు ఓ పోస్టర్‌ను నెట్‌ఫ్లిక్స్ ట్విట్టర్ వేదికగా ప్రకటించింది. దీంతో కమల్ హాసన్ ఫ్యాన్స్ ఆనందపడుతున్నారు.