ఐపీఎల్‌లో నేడు సండే డబుల్ ధమాకా.. ముంబై, చెన్నై మధ్య హైఓల్టేజ్ మ్యాచ్
దిశ, వెబ్‌డెస్క్: ఐపీఎల్ 2024 లో భాగంగా నేడు సండే డబల్ ధమాకా మ్యాచులు జరగనున్నాయి. ఈ క్రమంలో మొదటి మ్యాచ్ ఈడెన్ గార్డెన్స్ వేదికగా లక్నో, కలకత్తా మధ్య జరగనుంది. అలాగే రెండవ హై ఓల్టేజ్ మ్యాచ్ ఐదు సార్లు చాంపియన్స్ అయిన చెన్నై, ముంబై జట్ల మధ్య వాంఖడే స్టేడియంలో జరగనుంది. మొదటి మ్యాచులో తలపడుతున్న లక్నో, కలకత్తా జట్లు వరుస విజయాల అనంతరం చివరి మ్యాచుల్లో ఓటమి చెందాయి. పాయింట్ల పట్టికలో రెండు, నాలుగో స్థానంలో ఉన్న ఈ జట్ల మధ్య మ్యాచ్ రసవత్తరంగా మారనుంది. అలాగే ఐదుసార్లు చాంపియన్స్ అయిన ముంబై, చెన్నై జట్ల మధ్య రాత్రి 7 గంటలకు జరిగే హై ఓల్టేజ్ మ్యాచ్ కోసం ప్రేక్షకులు ఎంతగానో వేచి చూస్తున్నారు. పాయింట్ల పట్టికలో మూడో స్థానంలో చెన్నై ఉండగా.. వరుసగా రెండు విజయాలతో.. చివరి నుంచి ఏడో స్థానంకు చేరుకున్న ముంబై మధ్య మ్యాచ్ ఉత్కంఠభరితంగా సాగనుంది. ఇదిలా ఉంటే వరుస ఓటముల తర్వాత పుంజుకున్న ముంబై జట్టు, ప్లేయర్లు భీకర ఫామ్ లోకి వచ్చారు. వాంఖడే స్టేడియం ముంబైకు హోమ్ గ్రౌండ్ కావడంతో కలిసొచ్చే అవకాశం ఉంది.
