సన్‌రైజర్స్ విధ్వంసం దాటికి హెల్మెట్ దరించిన బాల్ బాయ్
దిశ, వెబ్ డెస్క్: ఐపీఎల్ 2024లో భాగంగా శనివారం ఢిల్లీ, సన్‌రైజర్స్ జట్ల మధ్య మ్యాచ్ జరిగింది. ఈ మ్యాచుల్లో ఇరు జట్లు ఫోర్లు సిక్సర్లతో విధ్వంసం సృష్టించారు. ముఖ్యంగా హైదరాబాద్ బ్యాటర్లు ట్రావిస్ హెడ్, అభిషేక్ శర్మ బ్యాటింగ్ చేస్తున్నప్పుడు.. మ్యాచ్ హైలెట్స్ చూస్తున్నట్లుగా ఫోర్లు, సిక్సర్లు వెళుతున్నాయి. పవర్ ప్లే ఆరు ఓవర్లలోనే హైదరాబాద్ జట్టు 125 పరుగులు చేసి చరిత్ర సృష్టించింది. ఇదిలా ఉంటే ఈ మ్యాచ్ లో ఎస్ఆర్‌హెచ్ జట్టు బ్యాటింగ్ చేస్తున్న సమయంలో బౌండరీ బయట ఉండే ఓ బాల్ బాయ్(గ్రౌండ్ బాయ్) హెల్మెట్ ధరించి కనిపించాడు. దీంతో సన్ రైజర్స్ బ్యాటర్స్ కొట్టే బంతులు మెరుపు వేగంతో బౌండరీల వైపు దూసుకెళ్లడంతో ఆ బాల్ బాయ్ ఇలా హెల్మెట్ ధరించినట్లు తెలుస్తుంది. దీనికి సంబంధించిన ఫోటోలు సోషల్ మీడియాలో వైరల్ కాగా.. నేటిజన్లు తమదైన శైలిలో స్పందిస్తున్నారు. అలాగే ఈ నెల 25న ఉప్పల్ స్టేడియంలో జరిగే మ్యాచుల్లో ఫ్యాన్స్ కు కూడా ఇలానే హెల్మెట్ ఇవ్వాల్సి వస్తుందేమో అంటూ.. కామెంట్లు చేస్తున్నారు.
