మూవీ ప్లానెట్లో భారీ చోరీ
దిశ, చార్మినార్ : చార్మినార్ బస్టాండ్కు ఎదురుగా ఉన్న మూవీ ప్లానెట్ దుకాణంలో గుర్తు తెలియని వ్యక్తులు 1.50 లక్షల నగదుతో పాటు సెల్ఫోన్లను అపహరించుకు పోయిన ఘటన శనివారం తెల్లవారుజామున చార్మినార్ పోలీస్ స్టేషన్ పరిధిలో చోటు చేసుకుంది. వివరాలలోకి వెళితే... చార్మినార్ బస్టాండ్ కు ఎదరుగా గత కొంత కాలంగా మూవీ ప్లానెట్ పేరుతో ఎలక్ట్రానిక్ పరికరాలను విక్రయిస్తున్నారు.
ఎప్పటిలాగానే శుక్రవారం రాత్రి దుకాణం మూసివేసి వెళ్లారు. తెల్లవారుజామున గుర్తు తెలియని వ్యక్తులు షెటర్ తీసి లోనికి ప్రవేశించారు. క్యాష్ కౌంటర్లో ఉన్న 1.50 లక్షల నగదుతో పాటు సెల్ఫోన్లు అపహరించుకుపోయారు. ఇదంతా సీసీ కెమెరాలో నిక్షిప్తమైనట్లు పోలీసులు గుర్తించారు. మువీ ప్లానెట్ యజమాని ఇచ్చిన ఫిర్యాదు మేరకు చార్మినార్ పోలీసులు కేసును నమోదు చేసుకుని దర్యాప్తు చేస్తున్నారు.
