Dozer, bike collided : డోజర్, బైక్ ఢీ...యువకుడి మృతి
దిశ,ముదిగొండ : ట్రాక్టర్ డోజర్ వేగంగా వచ్చి ఓ యువకుడ్ని ఢీ కొట్టగా తీవ్రగాయాలై మృతి చెందిన సంఘటన మండల పరిధిలో వనంవారికిష్టాపురం గ్రామ సమీపంలో ఆదివారం చోటుచేసుకుంది. పోలీసులు తెలిపిన వివరాల ప్రకారం ముత్తారం గ్రామానికి చెందిన నారపొంగు సింహాద్రి (22) అనే యువకుడు ఖమ్మం నుండి తన ద్విచక్రవాహనం పై ఇంటికి వెళ్తుండగా వనంవారికిష్టాపురం
సమీపాన అదే గ్రామానికి చెందిన ట్రాక్టర్ డోజర్ ను డ్రైవర్ పణితి ప్రేమ్ కుమార్ నిర్లక్ష్యంతో, వేగంగా రోడ్డు మీదకు వచ్చి సింహాద్రి పల్సర్ బండిని ఢీకొట్టగా బండి మీద నుంచి రోడ్డుపై పడటంతో సింహాద్రి తలకు తీవ్రగాయాలు అయ్యాయి. కాగా స్థానికులు చికిత్స కోసం ఖమ్మం ప్రైవేట్ ఆస్పత్రికి తరలించగా చికిత్స పొందుతూ మృతి చెందాడు. సింహాద్రి అన్నయ్య వాసు ఫిర్యాదు మేరకు మృతదేహాన్ని పోస్టుమార్టం నిమిత్తం ఖమ్మం ఆసుపత్రికి తరలించి కేసు నమోదు చేసినట్లు ఎస్సై గజ్జెల నరేష్ తెలిపారు.
